राजा बादी कंग्रेशको बोली फुट्यो

नेपाली काङ्ग्रेसभित्रका संवैधानिक राजतन्त्रका पक्षधर २० जनाले आज एक संयुक्त अपिल जारी गरी संविधानसभा निर्वाचनका लागि अग्रसर भइरहेका सबै राजनीतिक शक्तिहरू सार्वभौम नेपाली जनता र निर्वाचित हुने जनप्रतिनिधिहरूलाई सबै खाले अतिवादको बाघपञ्जाबाट मुलुकलाई जोगाउन र राष्ट्रको सार्वभौमिकता, अखण्डता, स्वतन्त्रता र एकतालाई बचाउन पूर्ण प्रजातान्त्रिक पद्दतिको निर्माणका लागि विवेक र निष्ठापूर्वक अग्रसर हुन अपिल गरेका छन् ।
यसरी संयुक्त अपिल गर्ने राजतन्त्रवादी कांग्रेसीहरूमा तारानाथ रानाभाट, विपिन कोइराला, शिवबहादुर खड्का, मार्शल जुलुम शाक्य, ओमकार श्रेष्ठ, अकवरबहादुर सिंह, इन्दिरा कोइराला, केशवप्रसाद भट्टर्राई, अनारसिंह कार्की, दीनबन्धु अर्याललगायत छन् ।
उनिहरुले अपिलमा संवैधानिक राजसंस्था वा गणतन्त्र, एकात्मक वा सङ्घीय राज्यप्रणाली, हिन्दु राज्य वा धर्मनिरपेक्षताजस्ता दुरगामी असरपर्ने राष्ट्रिय प्रश्नहरूमा जनभावनाको यथार्थ आँकलन नगरी निर्णयमा पुग्नु जनताको ठाडो अपमान हो र राष्ट्रियहितको उपेक्षा हो भन्नुभएको छ ।
देशलाई जात, भाषा र सम्प्रदायका आधारमा आत्मनिर्णय सहितको स्वायत्त अधिकार पाउने अलग अलग प्रदेशमा विभाजन गर्नेजस्तो विखण्डनवादी सोचले शदियौंदेखि कायम रहँदै आएको अनेकता बीचको राष्ट्रिय एकतालाई भङ्ग गर्दछ र नयाँ खाले द्वन्द्वहरूमा देशलाई फसाउँछ भन्ने धारणा पनि अपिलमा व्यक्त गरिएको छ ।
देशमा विद्यमान राजनीतिक अस्थिरता, आर्थिक दुरावस्था, सामाजिक सद्भावमा आएको विचलन र बढ्दै गएको जातीय विद्वेष, घृणा र द्वन्द्वको यस संवेदनशील घडीमा बिपी कोइरालाको मध्यमार्गी विचार अझै बढी सान्दर्भिक र महत्वपूर्ण देखिएको र यही नीतिलाई जीवन्तता प्रदान गर्ने अठोटका साथ नेपाली काङ्ग्रेसका संस्थापक कृष्णप्रसाद भट्टर्राईले लिनुभएको अडानप्रति आफूहरूले ऐक्यबद्धता जनाएको सँयुक्त अपिलमा स्पष्ट गरिएको छ ।