प्रचण्डद्धारा नेतृत्वलाई दवाव दिन आग्रह

माओवादी अध्यक्ष प्रचण्डद्धारा गणतन्त्रवादीहरुबीच चुनावी तालमेलका लागि नेतृत्वलाई दवाव दिन रोल्पाका प्रतिनिधिहरुसँग आग्रह गर्नुभएको छ । चुनावी प्रचारका लागि हिजो रोल्पा पुग्नुभएका प्रचण्डले आज विहान नेपाली कांग्रेस, एमालेलगातका प्रतिनिधिहरुसँगको भेटमा सो आग्रह गर्नु भएको हो ।

नेपाली कांग्रेस रोल्पाका सभापति कृष्ण बहादुर मगरले दिएको जानकारी अनुसार प्रचण्डले वाम पार्टीहरुबीचको एकता संभव नभएका कारण अब सम्पूर्ण गणतन्त्रवादीहरु चुनावी तालमेल गरेर अगाडि बढ्न आवश्यक रहेको बताउनुभएको थियो ।